ਐਕਸ਼ਨ ਅੰਦਾਜ਼ ਫਿਲਮਾਂ ਦੀ ਪਿਰਤ ਪਾ ਰਿਹਾ ਫਿਲਮ ਲੇਖਕ:ਇੰਦਰਪਾਲ ਸਿੰਘ

ਪੁਲਿਸ ਵੱਲੋ ਪਾਈ ਵਰਦੀ ਦੀ ਅਹਿਮੀਅਤ ਨੂੰ ਦਰਸਾਏਗੀ ਫਿਲਮ “ਡੀ.ਐਸ.ਪੀ ਦੇਵ”:ਇੰਦਰਪਾਲ ਸਿੰਘ

“ਬਲੈਕੀਆ” ਫਿਲਮ ਰਾਹੀ ਬਤੌਰ ਫਿਲਮ ਲੇਖਕ ਸਾਹਮਣੇ ਆਉਣ ਵਾਲੇ “ਇੰਦਰਪਾਲ ਸਿੰਘ” ਇਸ ਸ਼ੁੱਕਰਵਾਰ ਰਿਲੀਜ਼ ਹੋ ਰਹੀ ਆਪਣੀ ਅਗਲੀ ਫਿਲਮ “ਡੀ.ਐਸ.ਪੀ ਦੇਵ” ਨੂੰ ਲੈ ਕੇ ਕਾਫੀ ਚਰਚਾਵਾਂ ਹਨ।ਲੰਬੇ ਸਮੇ ਤੋ ਫਿਲਮ ਖੇਤਰ ਵਿੱਚ ਵਿਚਰ ਰਹੇ ਇੰਦਰਪਾਲ ਸਿੰਘ ਇਸਤੋ ਪਹਿਲਾ “ਰੁਪਿੰਦਰ ਗਾਧੀ 2” ਅਤੇ “ਡਾਕੂਆ ਦਾ ਮੁੰਡਾ” ਫਿਲਮਾ ਦੇ ਸਕਰੀਨਪਲੇਅ ਰਾਈਟਰ ਵਜੋ ਵੀ ਆਪਣੀ ਭੂਮਿਕਾ ਨਿਭਾ ਚੁੱਕੇ ਹਨ।ਬਤੌਰ ਫਿਲਮ ਲੇਖਕ ਆਈ ਆਪਣੀ ਪਹਿਲੀ ਫਿਲਮ “ਬਲੈਕੀਆ” ਨਾਲ ਸਫਲਤਾ ਦੇ ਝੰਡੇ ਗੱਡਣ ਵਾਲੇ ਇੰਦਰਪਾਲ ਸਿੰਘ ਲਈ “ਡੀ.ਐਸ.ਪੀ.ਦੇਵ”ਵੀ ਸਫਲਤਾ ਦਾ ਅਗਲਾ ਪੜਾਅ ਸਾਬਤ ਹੋਵੇਗੀ।ਡਰੀਮ ਰਿਐਲਟੀ ਮੂਵੀਜ,ਰਵਨੀਤ ਚਾਹਲ ਅਤੇ ਵਾਇਟ ਹਿੱਲ ਸਟੂਡਿਉਜ਼ ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਦੇ ਨਿਰਦੇਸ਼ਕ ਮਨਦੀਪ ਬੈਨੀਪਾਲ ਹਨ।ਫਿਲਮ ਦੇ ਨਿਰਮਾਤਾ ਰਵਨੀਤ ਕੌਰ ਚਾਹਲ,ਰਾਜੇਸ਼ ਕੁਮਾਰ,ਗੁਨਬੀਰ ਸਿੱਧੂ,ਮਨਮੌਰਦ ਸਿੱਧੂ ਹਨ।ਜਦਕਿ ਰਜਿੰਦਰ ਰਾਜਾ ਫਿਲਮ ਦੇ ਸਹਾਇਕ ਨਿਰਮਾਤਾ ਹਨ।ਫਿਲਮ ਦੇ ਡਾਇਲਾਗ ਗੁਰਪ੍ਰੀਤ ਭੁੱਲਰ ਲਿਖੇ ਹਨ।ਅਤੇ ਕਹਾਣੀ ਤੇ ਸਕਰੀਨਪਲੇਅ ਇੰਦਰਪਾਲ ਸਿੰਘ ਵੱਲੋ ਲਿਖੇ ਗਏ ਹਨ।



ਫਿ
ਲਮ ਬਾਰੇ ਗੱਲਬਾਤ ਕਰਦਿਆਂ ਇੰਦਰਪਾਲ ਸਿੰਘ ਨੇ ਦੱਸਿਆ ਕਿ ਇਸ ਫਿਲਮ ਦਾ ਵਿਸ਼ਾ ਪੁਲਿਸ ਅਧਾਰਿਤ ਬਣੀਆ ਸਾਰੀਆ ਫਿਲਮਾ ਤੋ ਹੱਟਕੇ ਹੈ।ਫਿਲਮ ਜਿੱਥੇ ਫਰਜ਼ਾ ਦੀ ਰਾਖੀ ਕਰਨ ਲਈ ਬਣੀ ਪੁਲਿਸ ਦੀ ਅਸਲ ਤਾਕਤ ਨੂੰ ਪੇਸ਼ ਕਰੇਗੀ।ਉੱਥੇ ਹੀ ਵਰਦੀ ਦੀ ਅਹਿਮੀਅਤ ਨੂੰ ਵੀ ਬਿਆਨ ਕਰੇਗੀ।ਕਾਨੂੰਨ ਨੂੰ ਛਿੱਕੇ ਟੰਗ ਕੁਝ ਭ੍ਰਿਸ਼ਟ ਨੇਤਾ ਕਿਵੇ ਨਸ਼ਿਆਂ ਦੇ ਵਪਾਰ ਨਾਲ ਪੰਜਾਬ ਨੂੰ ਗੰਧਲਾ ਕਰਨ ਵਿੱਚ ਲੱਗੇ ਹੋਏ ਹਨ।ਅਤੇ ਉਹਨਾ ਖਿਲਾਫ ਡੀ.ਐਸ.ਪੀ ਦੇਵ ਬਣਕੇ ਪੈਦਾ ਹੋਏ ਖਾਤਮੇ ਦੀ ਕਹਾਣੀ ਹਰ ਦਰਸ਼ਕ ਨੂੰ ਗੁੰਡਾਤੰਤਰ ਖਿਲਾਫ ਬੋਲਣ ਦਾ ਹੋਸਲਾ ਦੇਵੇਗੀ।ਫਿਲਮ ਵਿੱਚ ਦਰਸ਼ਕਾਂ ਨੂੰ ਐਕਸ਼ਨ ਦੇ ਨਾਲ ਕਾਮੇਡੀ ਤੇ ਮਹੁੱਬਤੀ ਭਾਵ ਦਾ ਵੀ ਅਹਿਸਾਸ ਹੋਵੇਗਾ।ਫਿਲਮ ਵਿੱਚ ਪਾਲੀਵੁੱਡ ਦੇ ਦਬੰਗ ਨਾਇਕ ਦੇਵ ਖਰੋੜ ਮੁੱਖ ਭੂਮਿਕਾ ਵਿੱਚ ਹਨ।ਜਦਕਿ ਮਹਿਰੀਨ ਪੀਰਜ਼ਾਦਾ ਮੁੱਖ ਨਾਇਕਾ ਦਾ ਕਿਰਦਾਰ ਕਰ ਰਹੀ ਹੈ।ਇਸਦੇ ਇਲਾਵਾ ਮਾਨਵ ਵਿਜ,ਅਮਨ ਧਾਲੀਵਾਲ,ਮਹਾਵੀਰ ਭੁੱਲਰ,ਗਿਰਜਾ ਸ਼ੰਕਰ,ਤਰਸੇਮ ਪੌਲ,ਸਵਿੰਦਰ ਮਾਹਲ ,ਸੁਖਵਿੰਦਰ ਰਾਜ ਸਮੇਤ ਕਈ ਹੋਰ ਨਾਮੀ ਚਿਹਰੇ ਵੀ ਫਿਲਮ ਦਾ ਅਹਿਮ ਹਿੱਸਾ ਹਨ।ਪੰਜਾਬੀ ਸਿਨੇਮੇ ਵਿੱਚ ਐਕਸ਼ਨ ਅੰਦਾਜ ਫਿਲਮਾਂ ਦੀ ਨਵੀ ਪਿਰਤ ਪਾ ਰਹੇ ਇੰਦਰਪਾਲ ਸਿੰਘ ਇਸ ਫਿਲਮ ਰਾਹੀ ਵੀ ਆਪਣੀ ਵਿਲੱਖਣਤਾ ਦਾ ਅਹਿਸਾਸ ਕਰਵਾਉਣਗੇ।
ਦੀਪ ਸੰਦੀਪ
9501375047